العميل هو مدير الشركة

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-01

مشاهدات :

2561

شارك المقال

هنسأل سؤال سريع 

هل التسويق بيوجد السوق ؟؟

لأ طبعًا عملية إيجاد السوق دى عملية صعبة جدًا ونادرة الحدوث ومبيقدرش عليها غير شركات عالمية ورأس مال ضخم لكن مهمة التسويق هى ( إكتشاف ) السوق وده بييجى نتيجة حاجات كتير أهمها على الإطلاق الإحتكاك بالعميل ومعرفة إحتياجاته وتطوير منتجات تلبى الإحتياجات دى ... وكل ما يبقى المسوق محتك أكتر بالعملاء كل ما كان قراراته صح وأنا شخصيًا بطور المنتج عن طريق قسم خدمة العملاء اللى ممكن يشرحولك إحتياجات العميل فى ثانية واحدة ....

1 - سيسكو كانت بتقول ان 75% من وقت رئيس مجلس الادارة بيقضيه مع العملاء .

2- أو "سام والتون" مؤسس سلسلة محلات "والمارت" واللى ليه مقولة شهيرة بتقول ان رئيس الشركة هو العميل وهو اللى يقدر يفصل اى موظف بداية من رئيس الشركة وحتى اصغر موظف بالاتجاه لشركة اخرى يصرف فلوسه فيها لانه ببساطة ملقاش اللى يلبى احتياجاته عندك .

3- أو الاتجاه السائد دلوقتى فى العالم كله ان احنا بندور على منتج للعميل مش بندور على عميل للمنتج أو ما يسمى بال (Customer Centric) واللى بيشرح ببساطة ان العميل هو محور عملية التسويق بالكامل وكل أنشطة التسويق اللى بتلبى احتياجاته هى فى النهاية لصالح العميل .

4 - أو فلسفة "بيل جيتس" اللى بتلخصها المقولة المشهورة ان العملاء الغاضبين هما مصدر تطورك وتطور البيزنس بتاعك للأحسن لأنك بتعرف مشاكلهم واحتياجاتهم بشكل مباشر

تابعونا بكرة فى الحلقة الرابعة عن المفاهيم العامة عن التسويق

تسويق