2015 زيها زى اللى قبلها !!

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-05

مشاهدات :

1383

شارك المقال

النهاردة أول يوم فى السنة الجديدة 2015 وده معناه بداية تحقيق الأحلام لناس كتير وللأسف برضه ده معناه يوم عادى فى حياة ناس تانية كتير .

فى مقولة ظريفة منتشرة اليومين دول وهى إن كل واحد فينا نفسه يحقق أهداف 2015 اللى محققتهاش فى 2014 واللى بدأ يفكر فيها 2013 !!

على الرغم من إن المقولة ظريفة لكنها واقعية وحقيقية جدًا

يا ترى كام هدف حددته وقلت إنك هتنجزه قبل نهاية السنة ولما السنة خلصت ما حققتهوش ؟

يا ترى كام مهارة اكتسبتها فى خلال السنة اللى فاتت وتقدر تقول بشكل كبير إنك بقيت بتتقن عمل كذا أو كذا ؟

يا ترى قريت كام كتاب واستفدت بالمعلومات الموجودة فيه إزاى ؟

يا ترى بدأت فى مشروعك الخاص اللى بقالك سنين مأجله ولا لسة هتأجل كمان ؟

طب أقولك على السر

السر هو الإستمرار والمثابرة

أيا كانت أهدافك للسنة الجديدة سواء كانت على المستوى الشخصى أو المهنى أو حتى الإجتماعى .. استمر وثابر

استمر فى المشى لأهدافك حتى ولو بخطوات بسيطة بس المهم إنك تستمر وتثابر على تحقيقها .

أتمنى كل واحد ما حققش أهدافه السنة اللى فاتت أو السنين اللى فاتت إنه ينسى اللى كل اللى فات ويبدأ صفحة جديدة من النهاردة

ويكتب أهدافه ويستمر فى تنفيذ كل الخطوات اللى هتوصله لتحقيق أهدافه ويثابر فى تحقيقها .

وربنا يوفق الجميع

تسويق