نيفيا بتشرّح السوق

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-01

مشاهدات :

2668

شارك المقال

هنشرح النهاردة فكرة ال "segmentation" أو تشريح العملاء بمثال على شركة "Nivea" العالمية للعناية بالبشرة وإزاى قدروا إنهم يشرحوا السوق ( السوق هنا هو السوق البريطانى ) لفئات و تقسيم السوق لأسواق فرعية ( شرائح ) بتستجيب لأنشطة التسويق المختلفة بحيث إن كل شريحة تحتوى على المستهلكين اللى احتياجاتهم متشابهة للوصول لرضاهم عن المنتجات دى .
هنلاقى إن أحد أهم العناصر اللى اعتمدت عليها "Nivea" فى أبحاثها المكثفة فى السوق هو "الموقف" اللى بيتعرض فيه الناس للشمس بيتصرفوا إزاى واللى هيخلى العميل يستخدم فيه منتجات العناية من الشمس والتقسيم ده وضح إن فى 5 شرايح من العملاء وهما :
1- الناس اللى بتقلق من تأثير الشمس الضارعليهم واللى بيشتروا المنتجات اللى فيها عوامل حماية كبيرة ليهم .
2- الناس اللى بتتجنب التعرض لآشعة الشمس ولما بيتعرضوا ليها بيكتفوا إنهم بستخدموا البخاخات أو ال "spray" .
3- الناس اللى بتحب الشمس والتعرض ليها وفى نفس الوقت عارفين المنتجات الموثوق فيها واللى هتحميهم من آشعة الشمس دى .
4 - الناس اللى بيحبوا الشمس والتعرض ليها بدون أى خوف من تأثير آشعتها المباشرعلى أجسامهم على المدى البعيد ودول ممكن يستخدموا منتجات مخصصة للغرض ده .
5- الناس اللى بيحبوا اللون البرونزى أو التان لكنهم مش بياخدوا أى خطوة لحماية بشرتهم من آشعتها لكنهم عندهم ميل ولو بسيط لمعرفة التأثير الضار أكتر وفى المقابل ممكن يشتروا المنتج اللى هيحميهم فعلاً .
نقدر نقول إن الخمس أنوع من العملاء اللى ذكرناهم فوق دول وسلوكهم المختلف و التركيبة السكانية و المجموعات المختلفة من المستهلكين وإزاى بتتصرف بشكل مختلف (عوامل زى العمر والجنس، الخ ) ده غير السلوكيات المختلفة للشراء بين الرجال و النساء والأطفال وتحديد الفرق بدقة كبيرة بين منتجات العناية من الشمس كان سبب فى إنتاج منتجات مختلفة تناسب توجهاتهم وطريقة تفكيرهم من حيث وعيهم أو مدى المنفعة اللى هيحصلوا عليها وهنلاقى إن التقسيم ده وصل إن شركة "Nivea" بقى عندها "Portfolio" قوى ومحترم بأكتر من 40 منتج بيلبوا احتياجات مختلف الشرايح المستهدفة .
نتنمنى إننا نكون شرحنا الفكرة بشكل مبسط ومثال سهل وهنكمل مع بعض فى الحلقات اللى جاية إختيار وتحديد الشريحة .

تسويق