الشيبسى يكسب

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-01

مشاهدات :

2773

شارك المقال

هنكمل النهاردة باقى العناصر أو المميزات اللى أقدر أستخدمها للوصول بصورة ذهنية مميزة عند العميل ومنها :
التوصيل ( Delivery ) ..... ودى من المميزات اللى حسمت معارك كتير جداً فى البيزنس زى ما اتكلمنا قبل كده على معركة "دومينز بيتزا" و"بيتزا هت" .... أنا شخصياً بمسك بمينيو لأكتر من محل وغالباً لما بطلب باختار الأسرع ..... فيه محلات أو صيدليات بيحط على الفاتورة مقابل للتحصيل وهو عارف إنك هتدفع تانى بقشيش ويبقى كأنك دفعت مرتين وفيه اللى بيخللى التوصيل مجاناً وده اللى بنختاره لأنك كده كده هتدفع للى بيوصلك .
كل اللى فات جزء من التوصيل .... بس فيه نقطة مهمة وهى أشمل وهى التوصيل بمعني الوصول بالمنتج لأقرب مكان للعميل أو بمعنى التغطية ( أن يكون المنتج متاح لأبعد الأماكن جغرافياً ) ... كتير جداً تبدأ حملة فى التليفزيون على منتج وتنزل السوبر ماركت ماتلاقيهوش لأنه موجود موصلش للسوبر ماركت .... فكر كده مثلاً فى "إريال" أو "شاى العروسة" أو سجاير "كيلو باترا" أو منتجات "شيبسى" و"بيبسى" و"كوكاكولا" .... هتلاقيهم قدامك على طول مش بس فى القاهرة لأ فى أى نجع أو قرية أو مركز .... ومش بس فى السوبر ماركت الكبير لأ وفى الصغير وفى الكشك .... دى بيسموها التوصيل أو التغطية إن منتجك موجود على الرف قٌدام العميل دايماً ....
وده اللى خللى "شيبسى" فى يوم من الأيام ومن حوالي 15 سنة وهى منتج مصرى تكسب معركة ضخمة مع "لايز" اللي هي منتج أجنبي لأنها كانت موجودة فى كل مكان فى مصر وانتهت المعركة بهزيمة "لايز" اللى اشترت "شيبسى" فى صفقة ضخمة جداً لأنها مقدرتش تنافسها

تسويق